Luhlamvu g

Luhlamvu lwetfu lolulandzelako nguluhlamvu g. Lwakhiwa njengobe sakha luhlamvu a nobe luhlamvu c. Empeleni nguluhlamvu a loluhlanganiswe neluhlamvu j, nobe ungatsi nguluhlamvu c loluhlanganiswe neluhlamvu j; kusho intfo yinye.

Ngako sicala ngendlela lefanako impela naleyo lesacala ngayo nasenta luhlamvu a. Sikhuphuka kancane, bese sigobisa njengobe sagobisa eluhlamvwini c lwetfu. Bese sibuya kulomdvwebo lofanako, sente simo seluhlamvu c, bese sichubeka sikhuphuka, sikhuphule umugca wetfu ufike emugceni longenhla, shengatsi besenta luhlamvu a. Bese sehla senta umdvwebo. Nangabe besingema emugceni, besitawuba neluhlamvu a. Kodvwa sichubeka sehla sicondzile, njengemkhumbi lohamba ngaphansi kwemanti wehlela elwandle. Bese siwugobisa kahle, bese senta umdvwebo lomncane losheshako sikhuphuka kancane, sewela umugca ngentasi nje kweluhlamvu a. Loko kusinika luhlamvu g lwetfu.

Liphepha Lekutijwayeta 23