Miaku ya kudienzeja

Katataka netudienzeje. Netufunde ndambu wa miaku mufundu ku mufundu. Muaku wa kumpala ke suit (muaku wa Tshiangele), udi s, u, i, t. Ku mulongo udi ulonda netufunde j, u, i, t: juit. Ku mulongo udi ulonda netufunde s, u, y, j. Ne ku mulongo udi ulonda netufunde i, t, u, s. Pashishe uja tshitupa tshishala tshia dibeji ne masangisha a mifundu ebe nkayebe.

Kabidi, tangila bimpe ne bionso bidi biinamine mu mushindu umue. Angata tshiamu tshia kukoka milongo milulame, koka milongo idi ipita ku mifundu, ne tangila bimpe ne kuinama kuebe kudi kuimpe. Banda bitekete, pueka bikole, banda bitekete, pueka bikole, banda bitekete, pueka bikole. Tangila bimpe ne bule bua pankatshi pa makoka ebe budi pabuipi ne bumue. Ne tangila bimpe ne mifundu yebe kayena ipueka kuinshi kua mulongo to, kayena ibanda kulu kua mulongo to, ne kayena ilua mipi to.

Dibeji dia kudienzeja 19

Kutangila bimpe kuinama

Biwatangila Dibeji dia kudienzeja 19, ne biwangata tshiamu tshia kukoka milongo milulame ne wakoka mulongo udi upita ku makoka aimane tente a mufundu s ne a mufundu t ne a mufundu u ne a mufundu i, neumone ne mufundu s udi ne kuinama kushilangane ne kua mifundu mikuabo. Bualu ndi mufunde mufundu s eu pa nkayawu, ne alfabeti wa mifundu itapuluke, wa mu ordinatere, udi muimane tente bikole kupita. Nunku bualu ebu ke budi ne bua wewe kudimukila, ne ke bualu bua mushindu eu budi meme ngamba.

Bivua bimpe menemene bu mifundu ya mushindu wa mifundu itapuluke ivua miinamine kumpala bikole kupita mudiyi. Bu muudi umona ku mufundu s, udi muinamine kumpala bimpe, ne mifundu ya masini udi upatula mabuku idi miimane tente bikole kupita. Kadi bualu ebu budi bua kusungula kuebe, mushindu uudi musue kubienza. Etshi ntshilejilu tshimpe tshia bualu budi ne bua wewe kudimukila mu mifundu yebe ya ku tshianza, nunku tshidi apa bua kukulongesha.

Mufundu s wa alfabeti wa mifundu itapuluke uvuaku kauvua muimpe to, nunku ngakenza wanyi nkayanyi, ne ke bualu kayi kuinama kuawu kudi kushilangane kakese. Kadi eu udi mushindu muimpe wa kukulongesha tshiudi ne bua kutangila.