Mufundu o

Apa tudi ne mufundu o, udi mufundu mukole kakese bua kufunda. Udi mua kuwenza mujenguluke bikole, bu mudibu bawuleje apa, anyi udi mua kuwenza bu dikela, tshimfuanyi tshikese kakese mu bunene. Bikala mifundu yebe iinama kumpala, mufundu o webe neukale mukese kakese mu bunene, nunku ke mudibi bienzeka nkayabi.

Nunku tudi tuenza nunku: tudi tutuadija kuinshi ne tudi tubanda bu tudi tufunda mufundu i, ne tudi tujengulula kakese, bu tudi tufunda mufundu i mukonyangale kakese, mufundu i wa nunku, kuena ne bua kuwufunda to. Pashishe tudi tupingana pa dikoka adi dimue, nunku udi bu mufundu c udi kauyi mujenguluke bikole, ne tudi tufika kuinshi, ne tudi tujengulula tubanda bua kulamakaja ne kulu, pashishe tudi tuenza kakoka kakese ka lukasa tuya kumpala. Ne ke mufundu o nunku. Mufundu o udi misangu yonso ne kakoka kakese ka lukasa ka ku nshikidilu, nansha bikala mufundu o ke wa ku nshikidilu; kakuena musangu udi mufundu o kakuyi ne kakoka aka to.

Bikala tudi ne mufundu kumpala kua mufundu o udi ne dikoka diawu dia kulamakaja kulu, bu mufundu b, nunku tudi tutuala dikoka adi too ne kulu kua mufundu o, ne tudi tutuadija kujengulula kuya ku nyima kufumina apo. Ne tudi tujengulula tshijengu tshijima, pashishe tudi tuenza kakoka kakese ka lukasa tuya kumpala.

Dibeji dia kudienzeja 37