Mufundu t

Bu mutudi bamane kuenza mufundu i, tudi badilongolole bua mufundu t. Kadi mufundu t udi mua kukudinga kakese, ne kabidi udi ne bualu butudi netusangane nabu bua musangu wa kumpala: nkubanda pa mulongo ne pashishe kukoka pa mulongo umue awu paudi upueka. Mu kufunda kua kulamakaja, tudi tuenza bualu ebu misangu ya bungi: tudi tukoka kabidi pa mulongo udi mukoka kale. Ne bulelela, paudi uenza nunku, udi ne bua kukoka pa mulongo au, kakuyi muaba mukuabo.

Nunku netuenze bualu ebu munyi? Nenkumvuije mushindu utudi tutuadija. Tudi tutuadija mu mushindu umue ne mutuakatuadija mufundu i: banda bitekete. Pashishe tudi tubandisha dikoka dietu too ne ku mulongo, ne tudi tutungunuka. Mufundu t mmule bikole. Kuena muanji kuela meji bua bualu ebu kumpala to, kadi bulelela mmufundu mule bikole. Udi mua kuwenza mule kupita, kadi nansha uenza tshinyi, kuwenji mukese bikole to.

Nunku udi uangata mulongo webe ne ubanda, ubanda, ubanda, ne pashishe upueka tente pa mutu pawu. Nunku mulongo webe wa kumpala udi ubanda, ne pashishe udi ujenguluka kulu ne uya mululame, ne pashishe udi ukoka mulongo mululame upueka, upueka too ne ku mulongo wa kuinshi, ne pashishe udi uenza kakoka kakese ka lukasa. Bulelela udi umueneka bu mufundu l, bualu udi mule bikole, kumpala kua kuikala ne dikoka dia kukosa t. Ne lungenyi luebe nelukuambile ne udi mukoke mufundu l, kadi kuena mukoke mufundu l to. Udi mukoke patupu mulongo muimane wa mufundu t. Ne pashishe udi ukoka dikoka dia kukosa t pa mulongo wa kulu.

Nunku tuenze nunku. Banda bitekete, pueka bikole, enza kakoka kakese ka lukasa. Ne pashishe koka dikoka dia kukosa t pa mulongo. Pashishe shiya kaba ne koka mukuabo pa luseke luawu.

Tangila ne tshiamu tshia kukoka milongo milulame ne kuinama kudi kumue. Tangila ne bule bua mifundu budi bumue. Pamuapa tshienzeka ntshi etshi: neituadije kukepela, kukepela, kukepela, anyi pamuapa neilepe, ne kuinama kuayi kudi mua kushintuluka. Idi mua kutuadija kuinama ku mpala, anyi idi mua kutuadija kuinama ku nyima. Bua bualu ebu ke udi ne dijinga dia tshiamu tshia kukoka milongo milulame: bua kutangila ne udi muenze mu mushindu umue.

Bikala muenze bilema, koka mulongo upita munda mua mufundu webe. Bulelela, angata tshifundilu tshia langi mukuabo ne koka mulongo upita munda mua mufundu webe mujima, ne uwenze mule kupita mufundu webe. Pashishe neumone bimpe bikala kuinama kudi kuakane. Bualu, bua mulongo mukese bikole, kuena mua kumona misangu yonso ne kuinama kudi kubi to. Kadi bikala uwulepesha bua uikale mule, angata kreyo, teka tshiamu tshia kukoka milongo milulame pa kuinama kua mufundu ne koka mulongo upita munda muawu, neumone ne kuinama kuebe kudi kupambuke. Ne pamuapa nekuikale kupambuke. Ikala mukole ne wewe nkayebe, ne uenze bimpe.

Dibeji dia kudienzeja 7