Ishangekwagh c

Hegen se nger inja i hiihii ken asangeakaa a a gem kpighikiki, man asangeakaa a a gem kpighikiki ne ka a na mbahenen kpishi ican kpishi. Ishangekwagh c ngi a inja kpishi, gadia asangeakaa kpishi ka i er ve sha u kôron ishangekwagh i man ishangekwagh c imôngo; kpa ishangekwagh c ngi taver. Ka ishangekwagh i i kpilighyol. Aluer u ver ishima sha ishangekwagh i i za hemen, i za hemen, er mnger u zegemnger u a kende sha, a gba shin nahan yô, ka ishangekwagh c je la. Shin ka er ishangekwagh i, aluer i ver i ikyua a usu u fitila, maa i hingir er mnger, i gba shin nahan.

Nahan ka er se nger un ne. U hii vough er u hii aluer u ngu ngeren ishangekwagh igen nahan: sha peese, zan zan sha ityough. Kpa u za hemen, man u gba u zan hemen kpeghee a hemba er u ver ishima yô. Nahan u gema un kpighikiki, u gema un shin, er ityough i gbough nahan; ngu a hwange u a gem doo doo. Tsô, u kende kon u ngeren wou ga yô, u hide sha hwange la môm, u gema kpighikiki doo doo, zan zan shin. Man aluer u kuma shin yô, u kpela ikpelan i kiriki i fese sha gbem, u due. Man la je ka hwange wou u kôron ishangekwagh ne a ishangekwagh igen i i dondo la.

Hegen yô, ka akaa a nyi a fatyô u vihin ken ishangekwagh ne? Akaa kpeghee. Aluer u gema ishangekwagh c hen sha kpishi ga, er mnger u zegemnger u a gba shin nahan yô, i fatyô u lun er ishangekwagh i nahan. Man ishangekwagh i you kpaa ka nahan: aluer u nger ishangekwagh i you jighilaa ga yô, i fatyô u lun er ishangekwagh c nahan. Ka kwagh u ka a er asangeakaa i. Shighe ugen yô, asangeakaa i ka a gem, nahan u gba u nôngo u palegh kwagh la. Man u gba u nôngo u ngeren ishangekwagh c you vesen, kpighikiki doo doo. Gba u i lu kpighikiki er zegemnger, kpighikiki er kwagh u ikyegh i ka i mar la, kpighikiki er bol. Kpighikiki.

Nahan u za sha a hwange u jighilaa, maa u gema un. Ka ijiir i taver je la. Hwange wou u jighilaa la hingir hwange u a gem, man a gba shin. A bende hwange, a gba shin, a za shin kpeghee a hemba er u ver ishima yô. Kpa de za shin kpishi ga, gadia ua nger ishangekwagh o. Ijiir la i i lu hen atô la gba u lun. Tsô u hide sha hwange la môm (m ngu ôron kwagh môm la shi), u gema kpighikiki zan zan shin, maa u kpela ikpelan i kiriki i fese sha hemen. Nahan ka ishangekwagh c je la.

De gema un kpeghee tsô ga. I de lu kiriki, er ijen i nyen i nahan ga. Gba u i lu er i ya kwaghyan u dedoo nahan. Ka ishangekwagh c you je la.

Takerada u karen ngeren 20