Ishangekwagh d

Ishangekwagh igen i se nger hegen la ngi ken tsombor môm vea ishangekwagh a, ishangekwagh c, ishangekwagh e, ishangekwagh g man ishangekwagh q. Ka ishangekwagh d, man se nger un vough er se nger ishangekwagh a nahan. Se tôô ikpelan yase i zaan sha i peese, se gema i doo doo, vough er se lu ngeren ishangekwagh c nahan, tsô se hide, kpighikiki doo doo, zan zan shin, maa se gema sha gbem. Tsô se kende sha jighilaa, se za sha kpishi, se bende ityough i ishangekwagh c. Se za sha, sha, sha, a hemba er u ver ishima yô, tsô se hide se za shin sha hwange la môm. Ka ijiir i taver je la. Man aluer se kuma shin vough, vough hen shin i ishangekwagh a la yô, se kpela ikpelan i kiriki i fese sha hemen, sha hwange u kôron. Nahan ka ishangekwagh d yase je la.

Kwagh u a hemba lun a inja ken ishangekwagh ne yô, ka u u gba u eren ijiir i ishangekwagh c ken ishangekwagh d la kpighikiki doo doo. Gba u a za hemen kpishi, sha er mnger u zegemnger u ishangekwagh c una gba shin yô; nahan aluer u gema, u kende sha sha ci u ikpelan i tile i ishangekwagh d yô, ishangekwagh d you ia lu kiriki ga, er ijen i nyen i nahan ga. Gba u i lu kpighikiki, i iv, er i ya kwaghyan u dedoo nahan. Tsô se kende sha jighilaa, man ijiir i taver yô, zan zan u kav un yô, ka u hiden shin sha hwange la môm. Kpa se kende sha peese, tsô se za shin a agee. Sha peese, shin a agee. Sha peese, shin a agee. Sha peese, shin a agee.

Takerada u karen ngeren 25