Ishangekwagh n

Ikav i se karen ishangekwagh n wase a mi ne i dugh ken inja i asangeakaa, man aluer u nenge sha mi yô, u fatyô u ôron mo kwagh u a doo ga sha mi hegen je. Ka sha ci u kwagh ne i doo u u fa u nengen akaa a nahan doo doo ye. Er u nengen nahan, ikpelan i zaan sha la i lu jighilaa ga. Zum u u er ikpelan you i zaan sha yô, ua er i jighilaa.

Nahan: sha peese, tsô se gema se va shin jighilaa, er se ngu eren ishangekwagh i nahan. Tsô se hide se za sha, man er se lu ikyua u kohol sha ityough yô, se za hemen, er se ngu eren ityough i ishangekwagh c nahan. Se gema un, se va shin, se er ishangekwagh i shi. Se va a mi shin, man shin yô se kpela ikpelan i kiriki i fese i yemen hemen. Time doo doo wer akpelan ahar ne a zaan shin la a ngurum vough vough er i môm, a lu sha ikev i môm. U fatyô u timen sha kwagh ne a kon u kpelan ahwange jighilaa, sha u kpelan ahwange sha akpelan la, u nenge wer a ngurum vough vough er i môm. Man ka ishangekwagh n je la.

Ishangekwagh ne taver ga. Sha peese, shin a agee, sha peese, tsô a agee zum u se gema se va shin hen ikpelan i sha uhar la, nahan kwagh u a kôr akpelan ahar la imôngo la, a lu peese kpeghee. Nahan: sha peese, shin a agee, sha peese, shin a agee, sha peese.

Takerada u karen ngeren 27