Ishangekwagh f

Ken ikav i tesen ne, se lu a ishangekwagh f i ken inja i asangeakaa. Gadia i er un sha u ngeren ken takerada yô, a lu kiriki kpeghee sha man shin. Kpa ishangekwagh f er i lu ngeren un sha uwegh, shighe u akaa a i nger atakerada a mi la a kôr un ga yô, yange a ngee a hembe kpishi. Yange a kende sha a hembe, er tso u a kende a za ken sha nahan, shi a gba shin a hembe kpishi, er tso u a zaan shin mnger nahan. Kpa inja na ka i môm.

Nahan m pase u inja na. Se hii er se lu eren ishangekwagh h, shin ishangekwagh k, shin ishangekwagh b nahan: inja ka i môm vough. Nahan se kende hwange wase sha, tsô se hide shin jighilaa, er se lu eren ishangekwagh h nahan, shi se za shin, se za shin, er se lu eren kwagh u ishangekwagh q u a hembe shin la nahan. Nahan aluer u hen sha mi yô, ka er ishangekwagh l man tsa u ishangekwagh q i kôr imôngo nahan, man ka ishangekwagh f je la. Se hen asangeakaa ahar ne cii kera, shi se er inja i ahar ne cii kera, nahan kwagh u he ngu heen ga. Nahan se kende sha, se gema, se hide shin, tsô se er ihura i zaan hemen, se zua a hwange la, se yem, er se lu eren tsa u ishangekwagh q nahan. Nahan kwagh ne ka ityough i ishangekwagh k, shin ityough i ishangekwagh h, shin ityough i ishangekwagh b, i i kôr imôngo a tsa u ishangekwagh q. Man kwagh la a na se ishangekwagh f.

Ishangekwagh ne ka a doo a hembe aluer a ngee kpeghee a hembe er i tese un heen la, shi a za shin kpeghee a hembe er i tese un heen la.

Takerada u karen ngeren 36