Masono mabundana

Buabu tukilonga kusonika masono mabundana. Ulenda mpe sonika mivovo miaku ngeye mosi voti bibuka bia masono biaku ngeye mosi, kansi mono si ndikuvana bibuka bimosi: iju, yuj, jyi, tuy, ijty, uijt, ye bibuka biankaka. Vanga bibuka bia masono. Si tukusisila zindonga za mpamba mu kuvanga bio.

Diaka, bu wamana, baka nti waku wa kusungika zindonga, ye tala mbote vo kutengama kwa masono maku kwawonso kufwanana. Tala mpe ntela ya masono maku: vo mawonso masimbidi ndonga, ye vo ka makulukidi ku nsi kwa ndonga ko. Kana ukulukidi ku nsi kwa ndonga, tula kidimbu vana. Sungika kisalu kiaku ye sitilo fioti ya mbwaki voti kima kiankaka.

Ye sonika mpe zindonga za nda zivioka mu zinsinga zaku za kutelama, kimana meso maku mamona vo zinsinga zaku za kutelama zawonso zilandana mu mpila mosi. Tala mbote vo masono maku matengamene ku ntwala, ka matengamene ku manima ko, ye vo kutengama kwena kumosi ntangu zawonso. Mata malembe, kuluka ngolo, mata malembe, kuluka ngolo, mata malembe, kuluka ngolo.

Nkanda wa kukilonga 15

Nkanda wa kukilonga 16

Nkanda wa kukilonga 17