Disono o

Vava tuna ye disono o, disono dina ye mpasi mu kusonika. Ulenda kudivanga dizunguluka kibeni, bonso dimonikini vava, voti ulenda kudivanga bonso diki, dinda kuluta, ka dizunguluka kibeni ko. Kana nsoniku yaku yitengamanga ku ntwala, buna disono o diaku si dikala dinda fioti, ka dizunguluka kibeni ko, kukonda vo umeka.

Buna tuvanga bonso bubu: tuyantika ku nsi ye tumata bonso tuvanga disono i, ye tuzungisa nsinga fioti, bonso tuvanga disono i dikonama fioti, disono i dia mpila yina ka ufweti sonika ko. Ye buna tuvutuka mu nsinga yina kaka, buna dina bonso disono c ka dizunguluka ngolo ko, ye tufika ku nsi, ye tuzungisa nsinga ku zulu ye tumatisa yo nate yibundana ye ntu wa zulu, ye buna tuvanga nsinga fioti ya nswalu mu kuvaika. Ye diau disono o. Disono o dina ye nsinga fioti ya nswalu ya nsuka mbala zawonso, kana nkutu dina disono dia nsuka; ka dilendi kondwa yo ko.

Kana disono dikwiza ntete a disono o dina ye nsinga ya kubundisa ku zulu, bonso disono b, buna tunatanga nsinga yina nate ku ntu wa zulu wa disono o, ye tuyantika kuzungisa nsinga yeto ku nima tuka vana. Ye tuzunguluka disono diawonso, ye buna tuvanga nsinga fioti ya nswalu ku ntwala.

Nkanda wa kukilonga 37