Eleetera d

Eleetera enittharela eri mu emusi emosa ni ileetera a, c, e, g ni q. Ti eleetera d, nto ninnipaka ntoko siisaale ninipaka ahu eleetera a. Ninnikuxa eliinya yahu yooveya enirowa osulu, nto ninnikottoopiha saana, ntoko nirowaka opaka eleetera c, nto ninnitthikela, yoovilikeya saana, mpakha vathi, nto ninnikottoopiha erowaka osulu. Nto ninnirowa osulu mookololowa, osulu vanceene, niphwanyanaka ni oponta wa eleetera c. Ninnirowa osulu, osulu, osulu, ovikana onuupuwela aa, nto ninnitthikela vathi vasulu va eliinya yeele emosa. Vaavo ti voovila. Nto vaavo ninaphiya ahu vathi vaavale, vaavo eleetera a yaarowa aya omala vathi, ninnilepa eliinya yaamukhaanixa mowaakuveya ohoolo, eyo ti eliinya yoophitaanya. Nto eyo ti eleetera yahu d.

Etthu yuulupale ya eleetera ela ti wiira onaphwanela opaka mpantta waya wa c woovilikeya saana. Onaphwanela orowa ohoolo saana, wiira ekottoopa ya c ekhale ntoko maasi a ephareya animorela, nto vaavo onikottoopiha aa ni orowa osulu wiira opake eliinya yookololowa ya eleetera d, eleetera yaa d ehikhale yoohikottoopa saana, ntoko yoothowa yoolya. Ennaphwanela okhala yoovilikeya ni yoosareya, ntoko yaalyale saana. Nto ninnirowa osulu mookololowa, nto etthu yoovila, mpakha olimalele, ti otthikela vathi vasulu va eliinya yeele emosa. Masi ninnirowa osulu wooveya, nto ninnitthikela vathi ni ikuru. Osulu wooveya, vathi ni ikuru. Osulu wooveya, vathi ni ikuru. Osulu wooveya, vathi ni ikuru.

Epaphelo ya wiilimaleliha 25