Eleetera n

Eleetera yaamukhaani n ya enamuna ya ileetera: eliinya yoophitaanya, eliinya enirowa vathi, ekottoopa ntoko mwaako mpakha eliinya ya nenli enirowa vathi, ni eliinya yaamukhaanixa yoolepiwa mowaakuveya; emosa paahi, ni tthaaru soophitaanyeya

Nthoonyeryo na wiilimaleliha eleetera yahu n ninkhuma mu enamuna ya ileetera soohiphitaanyeya, nave owehaka, onoowerya okileela vano etthu ehiri saana. Ti nthowa nene ti saana wiixutta woona saana itthu iya. Ntoko onoona, eliinya enirowa osulu khahiyo yookololowa. Weyo, olepaka eliinya yaa enirowa osulu, onoolepa yookololowa.

Nto: osulu wooveya, nuumala ninnikottoopiha ni ninkhuruwa wookololowa, ntoko nilepaka eleetera i. Nuumala ninnitthikela osulu, nave nihinatthi ophiya osulu, ninrowa ohoolo, ntoko nilepaka mpantta wa osulu wa eleetera c. Nave ninnikottoopiha vathi, ninkhuruwa, nto ninnilepa eleetera i ekina tho. Ninkhuruwa, nave vathi ninnilepa eliinya yaamukhaanixa ohoolo. Otokose wiira iliinya iya piili sinirowa vathi silikanane oramma, sineettaka vamosa ohiphwananaka. Onoowerya tthiri otokosa eyo ni erekuwa yaa, olepaka iliinya sinivira mwa iyo, woona wiira sinneetta vamosa. Nto ela ti eleetera n.

Eleetera n ya enamuna ya ileetera, erina eliinya ya erekuwa enivira khula eliinya enirowa vathi: iliinya iya piili khasilikanne oramma tthiri

Ela khahiyo eleetera yoovila. Osulu wooveya, vathi ni ikuru, osulu wooveya, nuumala ni ikuru nikottoopihaka vathi orowa ekwaha ya ekaneta ya nenli, nto mpantta oniphitaanya ikwaha iya piili onnikhala wooveya vakhaani. Nto: osulu wooveya, vathi ni ikuru, osulu wooveya, vathi ni ikuru, osulu wooveya.

Epaphelo ya wiilimaleliha 27

Olepa Woophitaanya Ileetera — Mpantta Woopacerya: Ileetera Saamukhaani · Evan Millner · Published by Abecedaria Press