Eleetera k

Vava ninnoona eleetera k. Eleetera k ennipakiwa moota omosaru ntoko naapaka ahu eleetera h, nto ennipacerya moota omosaru tthiri. Ninrowa osulu, ninnikottoopiha, nave ninkhuruwa wookololowa tthiri, ntoko nilepaka eleetera h. Tthiri, eri ntoko enamuna ekina ya eleetera h. Nuumala, nihitthukulaka ekaneta yahu, ninnitthikiha ekaneta yahu osulu mu eliinya ele, nave nipuro iliinya piili siniphwanana aya, ninnipaka etthu enooneya ntoko eleetera yuulupale R. Nto ninnipaka ekottoopa yaamukhaani, nuumala ninnipaka mwiila waya, ntoko eleetera yuulupale R. Nto eri ntoko eleetera yuulupale R ephitaanyiwe ni mpantta wa vathi wa eliinya yookololowa ya eleetera h.

Eleetera ela ennooneya saana vanceene vaavo mpantta waya wookololowa onirowa aya osulu vakhaani ovikana iliinya piili paahi. Masi etthu enikhumelela vanceene mu ixikola ti wiira, annilepa iliinya nave annihimya wiira onaphwanela olepa eriyari ya iliinya, nto eleetera ennooneya yaamukhaani vakhaani ovikana enaphwanela aya. Eleetera b ennooneya saana vanceene vaavo enirowa aya osulu vakhaani, nave eleetera k ennikhala siiso.

Epaphelo ya wiilimaleliha 31