Eleetera m

Eleetera yahu enittharela ti eleetera m. Eri ntoko nilepaka eleetera i. Ninrowa osulu wookololowa ni wooveya, nuumala ninkhuruwa ni oramma wa ileetera sahu sootheene. Nuumala ninnitthikela osulu mu eliinya emosaru, ninrowa ohoolo, nave ninkhuruwa tho. Ninnitthikela osulu mu eliinya emosaru, ninrowa ohoolo ni ekottoopa yaamukhaani, ninkhuruwa tho, nuumala ninnilepa eliinya yaamukhaanixa.

Vano, etthu enikhumelela ni eleetera m, nave enniwiiraneela awiixutti anceene aneererya wiixutta eleetera ela, ti wiira annipaka ekottoopa ya nenli yaamukhaani ovikana ekottoopa yoopacerya, nto ennikhala 'm yuulupale enivukuwa'. Ohiphavele okhalana 'm yuulupale enivukuwa'. Onaphwanela otokosa wiira ekottoopa yaa ya nenli ennirowa osulu moolikana ni ekottoopa yaa yoopacerya. Nihisuwelaka nthowa, muupuwelo wa mutthu onnaphavela opaka ya nenli yaamukhaani, nto onaphwanela okhala oovenya vaavo onilepa aa, nave otokose wiira ikottoopa iya piili sinirowa osulu moolikana.

Nto eyo paahi, tthiri. Eri ntoko eleetera n piili, nave hiyo nihilepa eleetera n khalai. Nave vano nihilepa eleetera p, erina enamuna emosaru. Nto khahiyo yoovila vanceene. Osulu wooveya, vathi ni ikuru, osulu wooveya, vathi ni ikuru, osulu wooveya, vathi ni ikuru, eliinya yaamukhaanixa ohoolo. Nto ela ti eleetera m.

Epaphelo ya wiilimaleliha 33