Eleetera f

Mu nthoonyeryo ola, nookhalana eleetera f ya enamuna ya ileetera. Okhala wiira yoopakiwa wiira ekopiwe mu eliivuru, ti yaamukhaani vakhaani osulu ni vathi, ntoko yoohiyeriwa nipuro naamukhaani. Masi eleetera f vaavo yaalepiwa aya ni ntata, ehirina muxankiho wa imaakina sinikopya iliivuru, yaari yuulupale vanceene. Yaarowa osulu vanceene, ntoko ekalawa enirowa erimu, nave yaarowa vathi vanceene, ntoko ekalawa enitthimaka vathi va maasi. Masi enamuna yaya ti emosaru.

Nto kinrowa wooleela moota onooneya aya eleetera ela. Ninnipacerya ntoko ninlepa h, aahiiso k, aahiiso b: enamuna emosaru. Nto ninnilepa eliinya enirowa osulu, nto ninnikhuruwa vathi mookololowa, ntoko ninlepa h, nave ninnivikaniha okhuruwa mpakha vathi, ntoko ninlepa mpantta wa vathi wa q. Nto wuupuwele saana: ennilikana ni l yoophitaanyiwa ni mpantta wa vathi wa q, nto eyo ti f. Ileetera iya piili naahiixutta, nave ipantta iya piili naahilepa, nto khivo etthu va nihinatthi wiixutta. Nto ninnirowa osulu, ninnikottoopiha, ninnikhuruwa vathi, nto ninnipaka eliinya enitthikela orowa ohoolo, ninniphiyerya eliinya yookololowa, nave ninnirowa ohoolo, ntoko ninlepa mpantta wa vathi wa q. Nto eleetera ela ennipakiwa ni mpantta wa osulu wa k, aahiiso mpantta wa osulu wa h, aahiiso mpantta wa osulu wa b, woophitaanyiwa ni mpantta wa vathi wa q. Nto eyo enninivaha eleetera f.

Eleetera ela ennooneya saana vanceene erowaka osulu vakhaani ovikana moota onithoonyeriwa aya va, nave erowaka vathi vakhaani ovikana moota onithoonyeriwa aya va.

Epaphelo ya wiilimaleliha 36