Izinhlamvu Ezihlanganisiweyo

Khathesi sizazilolonga ukuhlanganisa izinhlamvu. Ungazenzela lawe amabala akho kumbe izinhlanganiso zakho zezinhlamvu, kodwa lanxa kunjalo ngizakupha ezimbalwa: iju, yuj, jyi, tuy, ijty, uijt, lokunye okunjalo. Yenza izinhlanganiso zezinhlamvu. Sizakutshiyela imigqa engelalutho ukuze wenze lokho.

Njengakuqala, nxa usuqedile, khupha irula yakho, uhlole ukuthi ama-engeli akho wonke ayafanana. Njalo hlola lokuphakama kwezinhlamvu zakho: ukuthi zonke ziyawuthinta umugqa, lokuthi kazehleli ngaphansi komugqa. Nxa usehlela ngaphansi komugqa, kubekele uphawu. Lungisa umsebenzi wakho ngepeni elincane elibomvu kumbe okunye okunjalo.

Njalo dweba imigqa emide edabula imidwebo yakho emileyo mpo, ukuze amehlo akho abone ukuthi imidwebo yakho emileyo mpo yonke ilandelana ngendlela efanayo. Qiniseka ukuthi izinhlamvu zakho zitshekela phambili, hatshi emuva, lokuthi ukutsheka kwakho kuhlala kufana sonke isikhathi. Phezulu kancane, phansi ngamandla, phezulu kancane, phansi ngamandla, phezulu kancane, phansi ngamandla.

Iphepha Lokuzilolonga 15

Iphepha Lokuzilolonga 16

Iphepha Lokuzilolonga 17