Uhlamvu f

Esibonelweni lesi, silohlamvu f oluvela efontini. Ngenxa yokuthi lwenzelwe ukugadindwa ebhukwini, lufinyeziwe kancane phezulu laphansi. Kodwa uhlamvu f njengoba lwalubhalwa, ngesikhathi lungakaphazanyiswa yimitshini yokugadinda, lwalulude kakhulu. Lwalukhuphukela phezulu kakhulu, njengerokhethi, njalo lwalutshonela phansi kakhulu, njengomkhumbi ohamba ngaphansi kwamanzi. Kodwa isimo siyafanana.

Ngakho ngizakuchazela isimo salo. Siqala kanye nje kungathi senza u-h, kumbe u-k, kumbe u-b: isimo esifanayo impela. Ngakho sikhuphula umugqa wethu, besesisehla siqonde phansi, kungathi senza u-h, njalo siqhubeka sehla size siyefika phansi, kanye nje kungathi senza umugqa ongaphansi ka-q. Ngakho nxa ucabanga ngakho, kunjengo-l ohlanganiswe lengxenye engaphansi ka-q, lokho-ke ngu-f. Lezo zinhlamvu zombili sesilazo, njalo lezo zimo zombili sesike sazenza, ngakho kakukho lutho olutsha lapha. Ngakho siyakhuphuka, siyagobisa, siyehla, besesenza umjikelezo oya phambili sithinte, besesisuka, kanye nje kungathi senza ingxenye engaphansi ka-q. Ngakho lokhu kuyinhlanganiso yengxenye engaphezulu ka-k, kumbe yengxenye engaphezulu ka-h, kumbe yengxenye engaphezulu ka-b, lengxenye engaphansi ka-q. Lokho-ke kusinika uhlamvu f.

Uhlamvu lolu lukhangeleka kangcono nxa luphakeme kancane kulalokhu okutshengiswe lapha, njalo lude kancane kulalokhu okutshengiswe lapha.

Iphepha Lokuzilolonga 36