Amabala Ahlanganisiweyo

Lokho-ke kusiletha ekucineni kwe-alfabhethi yethu. Okulandelayo yikuthi uzabhala amabala ahlanganisiweyo. Sizakupha amabala okuwabhala, ikakhulu ukuzilolonga izinto ezinjengohlamvu o lohlamvu i, lo-b lohlamvu o: ukuthi uhlamvu b luhlangana njani lo-c, ukuthi uhlamvu o luhlangana njani lo-c, ukuthi uhlamvu l luhlangana njani lohlamvu o, ukuthi uhlamvu p luhlangana njani lohlamvu o, ukuthi uhlamvu i luhlangana njani lohlamvu o, ukuthi uhlamvu o luhlangana njani lo-b, ukuthi uhlamvu v luhlangana njani lohlamvu o, lokuthi uhlamvu o luhlangana njani lo-w. Njalo sizabhala amabala athile.

Sizakupha amabala esibonelo lemisho yesibonelo esebenzisa i-alfabhethi egadindiweyo esetshenziswa emabhukwini. Ezinye zezinhlamvu zitshiyene kancane lalezo ofundiswe zona, kodwa buyela emuva ukhangele lezo owazifundayo, usebenzise zona. Lesi yisibonelo nje sokuthi ubhaleni: sebenzisa izinhlamvu esakufundisa zona, njalo uzibhale njengoba sakufundisa. Ngakho uzaphiwa ezinye izinhlamvu, lamanye amabala, lezinye izinhlanganiso zezinhlamvu, njalo amabala la azakusiza ufunde izindlela ezitshiyeneyo izinhlamvu ezihlangana ngazo.

Iphepha Lokuzilolonga 41

Iphepha Lokuzilolonga 42

Iphepha Lokuzilolonga 43

Ekucineni, sizabhala umusho owodwa: The quick brown fox jumps over the lazy dog (umusho wesiNgisi), ngoba umusho lowo ulazo zonke izinhlamvu ezise-alfabhethini yethu.

Iphepha Lokuzilolonga 44

Lapho-ke, nxa usuqedile lokho, ungazama ukubhala i-alfabhethi yonke ungaphakamisi ipeni lakho ephepheni, uze ufike kuhlamvu x, lapho okumele uphakamise khona ipeni lakho ephepheni. Besekuthi, nxa usufike ekucineni kwe-alfabhethi, ubuyele emuva ufake amachatshazi phezu kwezinhlamvu i, njalo unqamule izinhlamvu t.

Iphepha Lokuzilolonga 45