Ilembo g

Ilembo lyesu ilikonkapo ni ilembo g. Ili lilembwa fye nga filya twalembele ilembo a nangu ilembo c. Cine cine ni ilembo a ilyalundanishiwa ne lembo j, nangu kuti watila ni ilembo c ilyalundanishiwa ne lembo j; fyonse fibili ni cimo cine.

Kanshi tutendeka cimo cine nga filya twatendeke ilyo twalembele ilembo a. Tunina panono, kabili tupeta fye nga filya twapetele pa lembo lyesu c. Lyena tubwelela pa kutinta kumo kwine no kulemba icipande ca c, lyena tutwalilila ukunina, kabili tunina no mufolo wesu ukufika ku mufolo wa mu mulu, kwati tulelemba ilembo a. Lyena twika pa kutinta ukuya panshi. Nga twaiminina pa mufolo, ninshi twalemba ilembo a. Lelo tutwalilila ukwika ukwalungama, ngo bwato bwenda munshi ya menshi ubuleseluka mu bemba. Lyena tulipeta bwino, lyena tutinta ipeni bwangu panono ukuya mu mulu, panono, ukwabuka umufolo fye panshi ya lembo a. Kabili e fyo tulemba ilembo lyesu g.

Ipepala lya kubombelapo 23