Ilembo f

Muli ici cakumwenako, tuli ne lembo f ilyafuma mu musango wa malembo. Pantu lyapangilwe ukupulintwa mu buku, lyalifinywa panono pa mulu na pa panshi. Lelo ilembo f ilyo abantu balelilemba ku kuboko, ilyo ifimashini fya kupulinta amabuku tafyalelisakamika, lyali ilitali sana. Lyaleya mu mulu sana, nge ndeke ya kuya ku mweshi, kabili lyaleya panshi sana, ngo bwato bwenda munshi ya menshi. Lelo imimonekele yalyo ni imo ine.

E ico nalakulondolwela imimonekele yalyo. Tutendeka filya fine nga tulelemba h, nangu k, nangu b: imimonekele imo ine ndwi. E ico tutwala umufolo wesu mu mulu, lyena twika panshi uwalungama, kwati tulelemba h, kabili tutwalilila ukuya panshi sana, kwati tulelemba umufolo wa panshi uwa q. E ico nga watontonkanya, cili kwati ilembo l ilyalundanishiwa ne cipande ca panshi ica q, kabili ilyo e lembo f. Twalisambilila kale ayo amalembo yonse yabili, kabili twalilemba kale iyo imimonekele yonse ibili, e ico apa tapali icipya. E ico tuya mu mulu, tupeta, twika panshi, lyena tupanga akashingulo ukuya ku ntanshi no kukumya, no kufumapo, filya fine nga tulelemba icipande ca panshi ica q. E ico ili lembo lilundanya icipande ca mu mulu ica k, nangu icipande ca mu mulu ica h, nangu icipande ca mu mulu ica b, ne cipande ca panshi ica q. Kabili ici e cituletela ilembo f.

Ili lembo limoneka bwino nga lyalepa panono ukuya mu mulu ukucila ifyo lilemoneka apa, kabili nga lyalepa panono ukuya panshi ukucila ifyo lilemoneka apa.

Ipepala lya kubombelapo 36