የተያያዙ ፊደላት

አሁን የተያያዙ ፊደላትን እንለማመዳለን። የራስህን ቃላት ወይም የራስህን የፊደላት ጥምረቶችም መሥራት ትችላለህ፤ እኔ ግን ለማንኛውም ጥቂት እሰጥሃለሁ፦ iju፣ yuj፣ jyi፣ tuy፣ ijty፣ uijt እና የመሳሰሉት። አንዳንድ ጥምረቶችን ሥራ። ለዚህ የሚሆኑ ባዶ መስመሮችን እንተውልሃለን።

እንደገና፣ ስትጨርስ ማስመሪያህን አውጣና ማዕዘኖችህ ሁሉ አንድ ዓይነት መሆናቸውን አረጋግጥ። የፊደላትህንም ቁመት አረጋግጥ፦ ሁሉም መስመሩን መንካታቸውን፣ ከመስመሩም በታች አለመውረዳቸውን። ከመስመሩ በታች እየወረድክ ከሆነ ምልክት አድርግበት። ሥራህን በትንሽ ቀይ እስክሪብቶ ወይም በሌላ ነገር አርም።

ደግሞም ቀጥ ብለው በቆሙት ጭረቶችህ መሃል አቋርጠው የሚያልፉ ረጃጅም መስመሮችን አስምር፤ እንዲህ ሲሆን ቀጥ ብለው የቆሙት ጭረቶችህ ሁሉ በአንድ ዓይነት አቅጣጫ መደርደራቸውን ዓይንህ ማየት ይችላል። ፊደላትህ ወደ ኋላ ሳይሆን ወደ ፊት ማዘንበላቸውን፣ ዝንባሌዎቹንም ሁልጊዜ አንድ ዓይነት አድርገህ መጠበቅህን አረጋግጥ። ወደ ላይ ቀለል፣ ወደ ታች ጠበቅ፤ ወደ ላይ ቀለል፣ ወደ ታች ጠበቅ፤ ወደ ላይ ቀለል፣ ወደ ታች ጠበቅ።

የልምምድ ገጽ 15

የልምምድ ገጽ 16

የልምምድ ገጽ 17