ፊደል c

አሁን ከክብ ቅርጾች የመጀመሪያውን እንሠራለን፤ ክብ ቅርጾች ደግሞ ለአብዛኞቹ ተማሪዎች ብዙ ችግር ይፈጥራሉ። አብዛኞቹ ፊደላት ከፊደል i እና ከፊደል c ጥምረት ስለሚሠሩ እጅግ በጣም አስፈላጊ የሆነው ፊደል c ከባድ ነው። እንግዳ ዓይነት ፊደል i ነው። በውቅያኖስ ውስጥ ተሰብሮ እንደሚወድቅ ማዕበል፣ መሄዱን የቀጠለ ፊደል i አስብ፤ ፊደል c ማለት ያ ነው። ወይም በሻማ ሙቀት የቀለጠ ፊደል i ይመስላል።

እንግዲህ የምንሠራው እንዲህ ነው። ሌላ ማንኛውንም ፊደል ስትሠራ በምትጀምርበት መንገድ ትጀምራለህ፦ ወደ ላይ ቀለል፣ እስከ ላይ ድረስ። ከዚያ ግን መሄድህን ትቀጥላለህ፤ ደግሞም ከምትጠብቀው ትንሽ ራቅ ብለህ መቀጠል አለብህ። ስለዚህ እንደ ምርኩዝ አናት ዙሪያውን አጥፈህ ወደ ታች ታጥፈዋለህ፤ ያማረ ኩርባ አለው። ከዚያም እስክሪብቶህን ሳታነሣ በዚያው መስመር ላይ ትመለሳለህ፣ ዙሪያውንም በደንብ አክብረህ እስከ ታች ድረስ ታጥፈዋለህ። ታች ስትደርስም በፈጣን ትንሽ ጭረት ወደ ላይ እና ወደ ፊት ትወጣለህ። ይህ ወደሚቀጥለው ፊደል የሚወስድህ ማያያዣ መስመርህ ነው።

ታዲያ እዚህ ላይ ምን ሊበላሽ ይችላል? ጥቂት ነገሮች። ፊደል c አናቱ ላይ፣ ተሰብሮ እንደሚወርድ ማዕበል፣ በበቂ ሁኔታ ካልታጠፈ ፊደል i ሊመስል ይችላል። በፊደል i በኩልም ተመሳሳይ ነገር አለ፦ የምትጽፈው ፊደል i ቀጥ ያለ ካልሆነ ፊደል c ሊመስል ይችላል። ፊደላት i እንዲህ የመሆን አዝማሚያ አላቸው። አንዳንድ ጊዜ ፊደላት i ኩርባ ይይዛሉ፤ ይህን መታገል አለብህ። የምትጽፈው ፊደል c ደግሞ ያማረ፣ ወፍራም እና ክብ እንዲሆን መታገል አለብህ። እንደ ውቅያኖስ ክብ፣ እንደ እንቁላል ክብ፣ እንደ እግር ኳስ ክብ መሆን አለበት። ክብ!

ስለዚህ በቀጥታ መስመር ወደ ላይ ትወጣለህ፣ ከዚያም ታጥፈዋለህ። አስቸጋሪው ክፍል ይህ ነው። ቀጥታ መስመርህ ወደ ኩርባ ይለወጣል፣ እንደ ማዕበልም ይሰበራል። መስመሩን መትቶ ተሰብሮ ይወድቃል፤ ከምትጠብቀውም ትንሽ ራቅ ብሎ ይወርዳል። በጣም ርቆ ግን አይደለም፤ ያለዚያ ፊደል o ትሠራለህ። ያ ክፍተት የግድ መኖር አለበት። ከዚያም በዚያው መስመር ላይ ትመለሳለህ (እየደጋገምኩ ነው)፣ ዙሪያውን እስከ ታች ታጥፈዋለህ፣ ከዚያም በፈጣን ትንሽ ጭረት ወደ ፊት ትወጣለህ። ፊደል c ይህ ነው።

ኩርባውን በጣም ትንሽ አታድርገው። እንደተራበ ቀጭን መሆን የለበትም። ጥሩ ምግብ የበላ መምሰል አለበት። ፊደል c ይህ ነው።

የልምምድ ገጽ 20