Mufundu k

Apa tudi ne mufundu k. Mufundu k udi muenza mushindu umue ne mutuakenza mufundu h, nunku udi utuadija mushindu umue menemene. Tudi tubanda, tudi tujengulula, ne tudi tupueka mululame tente, bu mutuakenza menemene patuakafunda mufundu h. Bulelela, udi bu mushindu mukuabo wa mufundu h. Pashishe, kakuyi kubandisha tshifundilu tshietu, tudi tukoka tshifundilu tshietu tubanda pa mulongo umue, ne pa muaba udi milongo ibidi isangana, tudi tuenza tshintu tshidi tshimueneka bu mufundu munene R. Nunku tudi tuenza tshitupa tshikese tshia kujenguluka, pashishe tudi tutshipesha mukila watshi, bu mufundu munene R. Nunku udi bu mufundu munene R mulamakaja ku tshitupa tshia kuinshi tshia dikoka diimane tente dia mufundu h.

Mufundu eu udi umueneka bimpe padi dikoka diawu diimane tente dile kakese kupita milongo ibidi patupu. Kadi tshidi tshienzeka misangu mivule mu kalasa ke etshi: badi bakoka milongo ne bamba ne udi ne bua kufunda munda mua milongo, nunku mufundu udi umueneka mukuse kakese kupita mudibi bikengela. Mufundu b udi umueneka bimpe padiwu mule kakese, ne mufundu k kabidi.

Dibeji dia kudienzeja 31