Mufundu p

Mufundu wetu udi ulonda ke mufundu p, udi mushindu mukuabo wa mufundu n, anyi, ndi ngela meji, wa mufundu h. Nunku tudi tutuadija bu mutudi tuenza mufundu i, anyi bimpe bu mufundu t, bualu udi ubanda kulu bikole, bu mudi mufundu t wenza. Nunku tudi tubanda kulu bikole kupita mulongo, pashishe tudi tupueka pa mulongo ne tuenza mulongo mululame ne kuinama kumue ne makoka etu onso makuabo. Pashishe, kakuyi kubandisha tshifundilu tshietu, tudi tubanda kabidi pa dikoka edi, ne pa muaba utuvua mua kuya kumpala bua kuenza mufundu n, tudi tuya kumpala ne tuenza dikoka dia kujenguluka, ne tupueka ne kuinama kumue ne bule buakane pankatshi ne mushindu mukese wa mufundu i, pashishe tudi tujengulula tuya kumpala bua kuenza dikoka dia kulamakaja didi dilonda, anyi dikoka didi dilamakaja ne mufundu udi ulonda. Ne ke mufundu p uwu.

Mufundu p udi ne kantu aka kakese kadi kabanda kulu. Nunku tudi tubanda bu mutudi tuenza mufundu t. Tudi tupueka pa mulongo umue, tutungunuka ne kupueka, pashishe tudi tubanda kabidi. Pashishe pa muaba udi makoka asangana, kumpala kua kufika ku mulongo, tudi tuya kumpala, tujengulula, tupueka, pashishe tudi tuenza kakoka kakese ka lukasa.

Dibeji dia kudienzeja 32