Masangisha a mifundu

Katataka tudi badilongolole bua kufunda masangisha a mifundu. Nunku tshitudi netuenze: netuenze milongo ibidi ya ij, ne pashishe iji, pashishe itj, ne pashishe jit, ne pashishe tij, ne pashishe iji, ne pashishe titj, anyi patupu tit, ndina dia kanyunyi kakese mu Tshiangele, bu tuamba patupu. Ne pashishe netuenze ijij ne jijji ne jti, ne masangisha makuabo audi mua kuela meji. Mifundu isatu anyi mifundu inayi pa musangu umue, ne enza milongo ibidi anyi kupita ya disangisha dionso.

Dibeji dia kudienzeja 10

Dibeji dia kudienzeja 11

Dibeji dia kudienzeja 12

Kutangila bimpe

Paudi mumane kukoka bionso ebi, udi ne bua kupatula tshiamu tshiebe tshia kukoka milongo milulame ne kreyo webe ne kutangila bimpe, bidi bimvuija bualu ebu. Koka milongo ipita munda mua mifundu yebe, mile kupita mifundu, ne tangila ne idi ne bule buakane pankatshi, ne kuinama kumue, ne bule bumue pankatshi. Neumone ne pamuapa kayena nunku to. Ne udi ne bua kudilengeja, ne kutungunuka, ne kuenza kabidi ne kabidi too ne paudi uenza bimpe.

Kabiena bimpe kuamba ne: "O, ngakenza bilema, bimpe," ne pashishe kulekela to. To, to, to. Udi ne bua kupitshila kabidi ne kuenza kabidi, pa katupa ka dibeji dia patupu anyi pa tshintu tshikuabo. Ne bulelela, bu muudi uenza bualu ebu bikole, ke muudi ulua mumanye kubuenza bimpe. Nunku ikala ne tshifundilu ne bitupa bia mabeji a patupu nebe muaba wonso uudi uya, ne udienzeje kufunda kuebe apa ne apa.

Mufundu j udi ne bua kuikala mululame. Nunku udi upueka bu buatu budi buenda kuinshi kua mayi, mululame, ne pashishe udi ujenguluka mu kaba kakese kuinshi ne ubanda kulu ne tshijengu tshikese tshia dikoka. Ne pashishe dikoka dia kulamakaja didi dilulame. Kadiena dikonyangala to. Didi dibanda bimpe ne dilulame, bitekete mu mulongo mululame bua kulenga mufundu ulonda, ne pashishe dipueka bikole. Vuluka: banda bitekete, pueka bikole. Shindika bitekete paudi ubanda, shindika bikole paudi upueka. Ne bualu ebu nebuenze bua mifundu yebe ikale milenga.