Michanganyiko

Sasa tuko tayari kuandika michanganyiko kadhaa. Kwa hiyo tutakachofanya ni kwamba tutafanya mistari michache ya ij, kisha iji, kisha itj, kisha jit, kisha tij, kisha iji, kisha titj, au tit tu, ambalo, kwa taarifa yako, ni jina la ndege mdogo kwa Kiingereza. Kisha tutaandika ijij na jijji na jti, na michanganyiko mingine unayoweza kuifikiria. Herufi tatu au herufi nne kwa wakati mmoja, na fanya angalau mistari miwili ya kila mchanganyiko.

Karatasi ya Mazoezi 10

Karatasi ya Mazoezi 11

Karatasi ya Mazoezi 12

Kukagua

Baada ya kuchora yote hayo, unahitaji kutoa rula yako na penseli yako na kufanya ukaguzi wako, ambao unamaanisha yafuatayo. Chora mistari inayopita katikati ya herufi zako, mirefu kuliko herufi zenyewe, na ukague kwamba zina nafasi sawa, na ziko kwa pembe ileile, na umbali uleule kati yake. Utagundua kwamba huenda hazitakuwa hivyo. Na unahitaji kujisahihisha, na kuendelea, na kuendelea kurudia hadi uweze kuipata sawa.

Haifai kusema, "Loo, nimekosea, haya basi," kisha kuacha. Hapana, hapana, hapana. Lazima urudie na uifanye tena, kwenye kipande cha karatasi chakavu au chochote kile. Na bila shaka, kadiri unavyofanya hivi zaidi, ndivyo utakavyozidi kuwa hodari. Kwa hiyo beba kalamu na karatasi chakavu kila unapokwenda, na ufanye mazoezi ya mwandiko wako hapa na pale.

Herufi j inahitaji kuwa nyoofu. Kwa hiyo inashuka kama nyambizi, nyoofu, kisha inapinda kwa kubana pale chini kisha inazunguka kama kitanzi kupanda juu. Kisha kiunganishi ni kinyoofu. Hakipindipindi. Kinakwenda moja kwa moja kabisa, kikipanda kwa wepesi kwa mstari mnyoofu hadi kugusa herufi inayofuata, kisha unashuka kwa nguvu. Kumbuka: panda kwa wepesi, shuka kwa nguvu. Bonyeza kwa wepesi unapopanda, bonyeza kwa nguvu unaposhuka. Na hili litaufanya mwandiko wako uwe mzuri.