Disono g

Disono dieto dilanda i disono g. Disono diadi disonikwanga bonso tusonikidi disono a voti disono c. Kieleka dio i disono a dibundana ye disono j, voti ulenda vova vo i disono c dibundana ye disono j; diambu dimosi kaka.

Diau tuyantika kaka bonso tuyantikidi bu tusonikidi disono a. Tumata malembe, ye tuzungisa nsinga bonso tuzungisidi mu disono c dieto. Bosi tuvutuka mu nsinga yina mosi ye tusonika kifwanu kia disono c, bosi tulandila mata, ye tumatisa nsinga yeto nate ku ndonga ya zulu, bonso tusonika disono a. Bosi tukuluka mu nsinga ya kukuluka. Kana tumanisi va ndonga, si tumona disono a. Kansi tulandila kuluka mu nzila ya kusungama, bonso maswa makwendanga ku nsi a maza, makulukanga mu mbu. Bosi tuzungisa yo mbote, ye tuvanga nsinga fioti ya nswalu ku zulu, ya malembe, yizenga ndonga vana nsi kwa disono a. Ye bobo tubakidi disono g dieto.

Nkanda wa kukilonga 23