Disono q

Buabu tufikidi ku disono q. Disono q dina mu dikanda dimosi ye masono c, a ye e, ye tuyantikanga bonso tusonika disono a. Nsinga yeto yimata, yizunga, bosi tuvutuka, tuvioka ku nsi, ye tumata mu nzila ya kusungama ye tukuluka mu nzila ya kusungama. Nate vava, mambu mawonso mambote. Kana tumanisi va ndonga, si tumona disono a. Kansi ka tumanisi vana ko. Tukuluka mu nzila ya kusungama. Kansi, ka bonso disono g ko, tuzungisa nsinga yeto ku manima. Ye tumata malembe mu nsinga ya kuzunga. Tusimba malembe manima ma disono, vana vau disono a disimbanga ndonga. Bosi tuvanga nsinga fioti ya nswalu ku zulu, i nsinga yeto ya kubundisa. Disono q i diadi.

Nkanda wa kukilonga 24