Disono l

Disono dilanda i disono l, ye si ngizonza ntangu yingi mu diambu dia disono diadi, kadi diena disono dia mpasi kibeni mu sonika.

Buna, tuyantikanga ye nsinga yeto ya kumata, bonso vo tusonika disono i, kansi tukwenda kaka ku zulu, ntama kibeni kuluta disono i, mu nsinga ya kusungama kaka, ye kutengama kumosi. Kitini kiaki kia mpasi. Buna tumata, ye tumata diaka. Ye bosi, bu tulweki ku zulu kwa disono l, tuvutula nsinga yeto ku nima, kansi ka ntama ko, mu sala kizunga kifioti kia nsinga. Ye kizunga kiaki kifioti kibeni, ka kina nene ko. Ye bosi tukuluka ye nsinga yisungama fioti kibeni: ka yisungama kibeni ko, kansi ka yizunga ngolo mpe ko. Diambu dia mpasi, kadi ka ulenda sala yo yisungama kibeni ko; diena mpasi kibeni mu sala bobo. Kansi yizunga fioti kaka. Ye bosi tuzenga nsinga ya kumata ku nsi fioti. Yizenganga penepene va kifulu ntu wa disono i ulenda kala. Ye kitini kia nsuka kifwanana kaka ye kitini kia ku nsi kia disono i: tukuluka, ye bosi tumana ye nsinga fioti ya nswalu. Buna i bonso disono i dia mpila ya kiyita, dinda kibeni, dina ye kizunga kifioti kia nsinga ku zulu.

Ye kizunga kiaki ka kifweti kala kinene beni ko. Kana kinene kuluta, kimonikanga kia kusekisa. Kana kifioti kibeni, ka diambu ko. Ye kana kizunga kia ku zulu kiena kia kati-kati, ka kinene ko, ka kifioti ko, mbote mpe. Kansi ka usala kio kinene kibeni ko.

Nkanda wa kukilonga 26