Disono n

Mbandu ya kukilonga disono n i ya mpila ya masono, ye bu utala yo, ulenda nkutu nsamwina diambu ka diena mbote ko va yo. Diau diambu dimbote mu longoka kutala mambu mama ye meso ma ngangu. Bonso bu umona, nsinga ya kumata ka yisungama ko. Bu usonika nsinga yaku ya kumata, si usala yo yisungama.

Buna: mata malembe, ye bosi tuzungisa nsinga ye tukuluka ye nsinga yisungama, bonso vo tusonika disono i. Ye bosi tumata diaka, ye ava ka tulweki ku zulu ko, tukwenda ku ntwala, bonso vo tusonika ndambu ya zulu ya disono c. Ye tuzungisa yo ku nsi, tukuluka, ye tusonika diaka disono i dinkaka. Kulula yo ku nsi, ye ku nsi tumana ye nsinga fioti ya nswalu ku ntwala. Tala mbote vo zinsinga zole za kukuluka zikwendanga mbalu ye mbalu, mpila mosi, vo zitengama kumosi. Kieleka, ulenda tala diambu diadi ye nti waku wa kusungika zindonga, mu sonika zindonga zinkaka zilutila mu zinsinga zina, mu mona vo zikwendanga kumosi. Buna diadi i disono n.

Ka disono dia mpasi ko. Mata malembe, kuluka ngolo, mata malembe, ye bosi finya ngolo bu tuzungisa nsinga ku nsi nate ku nsinga ya zole; buna kitini kibundisanga zinsinga zole kifinywanga malembe fioti. Buna: mata malembe, kuluka ngolo, mata malembe, kuluka ngolo, mata malembe.

Nkanda wa kukilonga 27