Ileetera soophitaanyeya

Vano ninrowa wiilimaleliha ophitaanya ileetera. Onoowerya tho opaka moolumo aa, aahiiso ileetera saa sinikhala vamosa, masi kinrowa woovaha vakhaani: iju, yuj, jyi, tuy, ijty, uijt, ni ikina. Paka ileetera sinikhala vamosa. Ninrowa woohiyela iliinya vakhaani sihirina etthu, wiira opake eyo.

Ekwaha ekina tho, vaavo onimala aa, kuxa erekuwa yaa, nto otokose wiira oramma wa ileetera saa ti woolikana. Nto otokose tho osulu wa ileetera saa: wiira sootheene sinniphiya valiinyani, nto khasinvira vathi va eliinya. Vakhala wiira ileetera saa sinnivira vathi va eliinya, lepa ethoonyeryo vaavo. Lokiha muteko waa ni ekaneta yaamukhaani yooxeerya, aahiiso etthu ekina.

Nto lepa tho iliinya soolapuwa sinivira mu iliinya saa sookololowa okhuma osulu mpakha vathi, wiira maitho aa awerye woona wiira iliinya saa sookololowa sootheene sinnirowa enamuna emosa. Weha saana wiira ileetera saa sinniramma ohoolo, nto khasinramma ottuli, nto wiira oramma ori woolikana okathi wootheene. Osulu wooveya, vathi ni ikuru, osulu wooveya, vathi ni ikuru, osulu wooveya, vathi ni ikuru.

Epaphelo ya wiilimaleliha 15

Epaphelo ya wiilimaleliha 16

Epaphelo ya wiilimaleliha 17