Eleetera s

Vano, eleetera enittharela ninrowa ahu olepa ti eleetera s. Eleetera s "ya mwaana", aahiiso eleetera s yaamukhaani, tthiri ti mpantta mmosa wa ipantta piili sa eleetera yuulupale S. Tivo enooneya aya ntoko mpantta mmosa paahi wa S, okhala wiira teeyo eri aya. Waakuxa S yuulupale nto okawanye ipantta piili, nto ela ti mpantta waya wa vathi.

Nto ninnipaka sai? Ninnipacerya moolikanasa ntoko ninipacerya ahu eleetera i. Ninnirowa osulu wooveya, vathi ni ikuru. Masi nto, ohiya olepa eliinya yaamukhaanixa ohoolo, ninnilepa ni ikuru siiso, nto ninnirowa ottuli, ntoko eleetera j, ntoko eleetera yuulupale J, mpakha niphiye valiinyani. Nto ninnitthikela vasulu va ekottoopa yeele emosa. Nto vaavo ninaphiya ahu mpantta wa ohoolo wa eleetera, ninnilepa eliinya yaamukhaanixa mowaakuveya, erowaka osulu, wiira nipake eliinya yahu yoophitaanya. Nto eyo ti eleetera s.

Eleetera s erina ahu mu enamuna ya ileetera ya ekompyuta khahiyo eleetera s yooreera wiira nirumeele olepa ni ntata. Kinrowa woothoonyerya okathi okina, masi khaninrowa otakiherya. Ninrowa orumeela eleetera s ela. Ntoko onoona aa, erina oramma wooreera ohoolo, nto maitho aa annirowa ohoolo okathi wootheene. Khaninphavela okhalana mowaakuveya eleetera ehiniramma ohoolo. Khenireera.

Nto ela ti eleetera s. Lepa epaaxina emosa ya ileetera s. Onoowerya opacerya ni eliinya emosa ya ileetera s soohiphitaanyeya, nto opake eliinya emosa ya ileetera s soophitaanyeya.

Etthu onaphwanela wuupuwela ni eleetera s ti wiira eliinya enirowa vathi ti yookololowa, nto ennikottoopa vakhaani ohinatthi ophiya eliinya ya vathi, nto ennaphwanyana ni eliinya enirowa osulu. Onnitthikela ottuli vasulu va eliinya yeele emosa, nto onnilepa eliinya yaamukhaanixa mowaakuveya ohoolo. Nto tthiri, vakhala wiira onnisiphitaanya, onnirowa osulu wooveya, nto onnipacerya ekina.

Nto vakhala wiira onnilepa ileetera s sinceene, weha saana wiira sirina nipuro noolikanana eriyari aya, wiira ileetera s ti soolikanana, hata ohikhale moolikanasa, nto wiira oramma waya ti woolikana. Nto onoowerya otokosa tho oramma, ohelaka erekuwa vasulu vaya nto olepe eliinya enivira eriyari aya. Nto otokose wiira sinniphiya valiinyani, nto wiira khasinrowa osulu, khasinrowa vathi, khasinkhala saamukhaani, ni itthu ikina sintoko iyo.

Epaphelo ya wiilimaleliha 18