Eleetera t

Vano, okhala wiira nimanle olepa eleetera i, nookhala ooreheryeya wa eleetera t. Masi eleetera t ennoowootha vakhaani, nave erina tho etthu ninrowa ahu ophwanya ekwaha yoopacerya, nto eyo ti ovenya osulu ni eliinya, nto okhuruwa vathi olepaka vasulu va eliinya yeeyo. Mu olepa woophitaanya ileetera, ninnipaka eyo ikwaha sinceene: ninnilepa tho vasulu va eliinya. Nave ti woonaneya wiira, vaavo onipaka aa eyo, onaphwanela olepa vasulu va eliinya eyo, khahiyo nipuro nikina.

Nto ninrowa opaka sai? Kinrowa wooleela moota ninipacerya ahu. Ninnipacerya ntoko naapacenrye ahu ni eleetera i: osulu wooveya. Nto ninnirowa ni ekwaha yahu ya ekaneta osulu mpakha eliinya, nave ninnivikaniha. Eleetera t ti yoolapuwa vakhaani. Weyo ohinatthi wuupuwela eyo, masi tthiri ti eleetera yoolapuwa vakhaani. Nave onoowerya opaka ekhale yoolapuwa ovikana, masi khula etthu onrowa aa opaka, ohipake ekhale yookhuveya vanceene.

Nto onnirowa ni eliinya yaa osulu, osulu, osulu, nto onnikhuruwa mookololowa vasulu vaya. Nto eliinya yaa yoopacerya ennirowa osulu, nto ennikottoopa osulu nave ennikhala yookololowa, nto onnilepa eliinya yookololowa enikhuruwa, mpakha ophiya eliinya ya vathi, nto opake eliinya yaamukhaanixa. Tthiri enniwoneya ntoko eleetera l, okhala wiira ti yoolapuwa vanceene, ehinatthi aya olepiwa eliinya yoorupa enivira eriyari aya. Nave muru waa onrowa wooleela wiira olempe eleetera l, masi khahiyo. Olempe paahi eliinya yookololowa okhuma osulu mpakha vathi ya eleetera t. Nto onnilepa eliinya yoorupa enivira eriyari aya valiinyani va osulu.

Nto nipake eyo. Osulu wooveya, vathi ni ikuru, eliinya yaamukhaanixa yoolepiwa mowaakuveya. Nto olepe eliinya yoorupa enivira eriyari aya valiinyani. Nto ohiye nipuro, nto olepe ekina vakhiviru vaya.

Otokose ni erekuwa wiira oramma ti woolikanana. Otokose wiira osulu ti woolikanana. Etthu pooti enrowa opacerya wiiraneya ti wiira sinrowa okhuveya, okhuveya, okhuveya, aahiiso sinoowerya olapuwa, nave oramma onoowerya orukunuwa. Sinoowerya opacerya omora ohoolo, aahiiso sinoowerya opacerya omora ottuli. Ti ntakhara eyo onaphwanela aa erekuwa: otokosa wiira sootheene ti soolikanana.

Vakhala wiira olempe moohiloka, olepe eliinya enivira eriyari aya. Tthiri, kuxa ekoore ekina, nto olepe eliinya enivira eriyari ya eleetera yaa yootheene, nto opake ekhale yoolapuwa ovikana eleetera yaa. Nto onoowerya woona saana wiira oramma ti wooloka. Okhala wiira, ni eliinya yookhuveya vanceene, khahiyo okathi wootheene onoowerya aa woona wiira oramma ti woohiloka. Masi vakhala wiira onnilepa eliinya yoolapuwa ovikana eleetera, okuxe elapisi, oheliherye erekuwa vasulu va oramma wa eleetera, nto olepe eliinya enivira eriyari aya, onrowa woona wiira oramma waa ti woohiloka. Nave pooti onrowa okhala woohiloka. Okhale oolipa vanceene ni weyo mwaneene, nto opake saana.

Epaphelo ya wiilimaleliha 7