Nuulumo *it*

Wiilimaleliha onittharela ti ophitaanya eleetera i ni eleetera t wiira nipake nuulumo nahu noopacerya, it (nuulumo na Enkelesi ninihimya etthu, aahiiso enama, ehiri mutthu). Nave khalai, nuulumo it naarumeeliwa wa anamwane, masi vano khaninrumeela tho. Masi iyaakha ntoko 200 sivinre, vakhala wiira waasoma eliivuru, atthu yaanihimya mwaana mwaamukhaani wiira it. Nto vano ninnirumeela nuulumo it wa inama paahi, ni imeesa ni ikateera. Hata siiso, ela ennophiyerya ntakhara mwaha wa khalai wa nuulumo it.

Nto ela ti etthu onrowa aa opaka. Nthoonyeryo ori vaavo.

Ninnisuwela khalai mwaha wa oramma ni nipuro eriyari ya ileetera. Ninnipaka osulu wooveya, vathi ni ikuru, nto ninnipaka eliinya yahu yaamukhaanixa yoolepiwa mowaakuveya, nave ninnivikaniha osulu wooveya, nto ninnirowa osulu mpakha eleetera t, vathi ni ikuru, nto ninnipaka eliinya yaamukhaanixa yoolepiwa mowaakuveya vahinatthi ophiya eliinya. Nto ninnitthikela ottuli, ninniheliha epontu vasulu va eleetera yahu i, nave ninnilepa eliinya yoorupa enivira eriyari ya t, nuumala opaka eyo.

Nto nirina ikwaha piili sa ekaneta, nave sinnivirikana. Emosa ti eleetera i, enirowa osulu mpakha eliinya paahi, nto enikhuruwa vathi ni ikuru, eliinya yaamukhaanixa yoolepiwa mowaakuveya; nto eliinya yoophitaanya, ennirowa osulu, nave ennirowa osulu vanceene ovikana. Nto ninnikhuruwa mookololowa, nihikottoopihaka, mookololowa, masi ni oramma woolikanana ni eleetera i, nto vathi ninnipaka eliinya yaamukhaanixa yoolepiwa mowaakuveya, nto ninniheliha epontu ni olepa eliinya yoorupa. Nto ninnipaka tho. Ninnixariha eliinya emosa ni nuulumo it.

Vaavo ninlepa ahu, otokose wiira ileetera saa sihikhuruwe vathi va eliinya. Otokose ni erekuwa wiira oramma ti woolikanana. Onoowerya opaka eyo olepaka iliinya sinivira eriyari ya ileetera saa, nto onrowa woona saana ovikana vakhala wiira oramma waa ti wooloka. Eyo khahiyo yoonanara. Kuxa paahi elapisi aahiiso etthu ekina, ni erekuwa, nto oheliherye erekuwa vasulu va eliinya yuulupale ya eleetera yaa, nto olepe eliinya enivira eriyari aya; opake ekhale yoolapuwa. Nto onoowerya woona saana vanceene vakhala wiira oramma waa ti woolikanana aahiiso khahiyo. Okhala wiira onoowerya wiiwootha, vakhala wiira ohinipaka eyo, wuupuwelaka wiira itthu sootheene siri saana, nnaamwi sihiri saana.

Nave okhapelele wiira nipuro eriyari ya ileetera saa ti noolikanana. Nto eleetera yaa i ni eleetera yaa t sinaphwanela okhala ni nipuro noolikanana eriyari aya khula ekwaha onilepa aa nuulumo it. Nave weererye okhaliha nipuro noolikanana eriyari ya moolumo. Onoowerya orumeela orakama wa ekatha emosa eriyari ya moolumo, vakhala wiira onnaphavela ophima.

Nto nivikanihe. Lepa epaphelo yootheene ya moolumo ala.

Epaphelo ya wiilimaleliha 8