የፊደላት ጥምረቶች

አሁን ጥቂት የፊደላት ጥምረቶችን ለመጻፍ ዝግጁ ነን። ስለዚህ የምናደርገው ይህ ነው፦ ij የሚለውን ሁለት መስመር እንጽፋለን፤ ከዚያም iji፣ ከዚያም itj፣ ከዚያም jit፣ ከዚያም tij፣ ከዚያም iji፣ ከዚያም titj፣ ወይም tit ብቻ፤ በነገራችን ላይ tit የአንዲት ትንሽ ወፍ ስም ነው። ከዚያም ijij እና jijji እና jti፣ እንዲሁም አንተ ልታስባቸው የምትችላቸውን ሌሎች ጥምረቶች እንጽፋለን። በአንድ ጊዜ ሦስት ወይም አራት ፊደላት፤ ከእያንዳንዱ ጥምረት ቢያንስ ሁለት መስመር ሥራ።

የልምምድ ገጽ 10

የልምምድ ገጽ 11

የልምምድ ገጽ 12

ማረጋገጥ

ያንን ሁሉ ከሳልክ በኋላ፣ ማስመሪያህንና እርሳስህን አውጥተህ ማረጋገጥ አለብህ፤ ይህም ማለት የሚከተለው ነው። በፊደላትህ መሃል አቋርጠው የሚያልፉ፣ ከፊደላቱ የበለጠ ረጃጅም መስመሮችን ሳል፤ በእኩል ርቀት መሰለፋቸውን፣ በአንድ ዓይነት ማዕዘን መሆናቸውን፣ በአንድ ዓይነት ርቀትም መራራቃቸውን አረጋግጥ። ምናልባት እንደዚያ እንዳልሆኑ ታገኛለህ። ራስህንም ማረም፣ መቀጠል፣ በትክክል እስክትሠራውም ድረስ መድገም አለብህ።

"ኦ፣ ተሳሳትኩ፣ እሺ፣" ብሎ ማቆም ምንም አይጠቅምም። አይ፣ አይ፣ አይ። ደግመህ ማየትና እንደገና መሥራት አለብህ፤ በቁራጭ ወረቀት ላይ ወይም በሌላ በማንኛውም ነገር ላይ። እርግጥ ነው፣ ይህን ባደረግክ ቁጥር ይበልጥ እየተሻሻልክ ትሄዳለህ። ስለዚህ የትም ስትሄድ እስክሪብቶና ቁራጭ ወረቀት ይዘህ ሂድ፤ እዚህም እዚያም አጻጻፍህን ተለማመድ።

ፊደል j ቀጥ ያለ መሆን አለበት። ስለዚህ እንደ ሰርጓጅ መርከብ ቀጥ ብሎ ወደ ታች ይወርዳል፤ ከዚያም ከታች በጠባቡ ይታጠፋል፤ ከዚያም ቀለበት ሠርቶ ወደ ላይ ይወጣል። ከዚያም ማያያዣ መስመሩ ቀጥ ያለ ነው። ምንም መወላገድ የለበትም። አምሮና ቀጥ ብሎ ይሄዳል፤ ቀጣዩን ፊደል ለመንካት በቀጥታ መስመር ወደ ላይ ቀለል ብሎ ይወጣል፤ ከዚያም ወደ ታች ጠበቅ። አስታውስ፦ ወደ ላይ ቀለል፣ ወደ ታች ጠበቅ። ወደ ላይ ስትወጣ ቀለል አድርገህ ተጫን፤ ወደ ታች ስትወርድ ጠበቅ አድርገህ ተጫን። ይህም ጽሑፍህን ያሳምረዋል።