ፊደል y

ቀጥሎ የምንሠራው ፊደል y ነው። እዚህ ላይ በፊደል i እና በፊደል j ላይ ለምን ነጥብ እንደምናደርግ በትክክል ታያለህ፤ ምክንያቱም በፊደል y አናቶች ላይ ነጥብ ብታደርግ፣ ድንገት ወደ ij ይቀየራል። ልክ እንደ አስማት!

እንግዲህ የሚሠራው እንዲህ ነው። መጀመሪያ፦ ወደ ላይ ቀለል፣ ወደ ታች ጠበቅ። ከዚያም ልክ ታች እንደደረስክ በፈጣን ትንሽ ጭረት ወደ ፊት ትወጣለህ፣ ቀጥ ብለህም ወደ ላይ መውጣትህን ትቀጥላለህ፤ ከዚያም ቀጥ ብለህ ወደ ታች ትወርድና ፊደል j ትሠራለህ። ከዚያም ታጥፈዋለህ፤ ቀጥሎም ለሚቀጥለው ፊደል ተዘጋጅተህ በቀጥታ መስመር በፈጣን ትንሽ ጭረት ትወጣለህ።

እዚህ ባለው ፊደል y ውስጥ ያለው የሕትመት ፊደል j፣ ቀለል ብሎ ወደ ላይ የሚወጣው ጭረቱ ጥምዝምዝ መስመር ነው። ቀጥ ያለ መሆን ነበረበት። ደግሞም እንዳልኩት፣ እዚህ ካለው የበለጠ ረጅም መሆን አለበት። ስለዚህ አስረዝመው፤ ረጅም ሲሆን የበለጠ ያምራልና። አንተ የሚያምር ሆኖ የምታገኘው ርዝመት ላይ ሲደርስ ዓይንህ ይነግርሃል። በጣም ረጅም ከሆነ ትንሽ አስቂኝ ሊመስል ይችላል፤ አንተ ግን ልትወደው ትችላለህ። በጣም አጭር ሲሆን ግን አያምርም።

ስለዚህ ፊደል y እንሠራለን። አንድ ረድፍ ፊደል y ጻፍ፤ በትክክል እስክትሠራቸው ድረስ አንድ ገጽ ሙሉ እንዲህ አድርግ። የፊደላት y አናቶች እኩል ቁመት እንዲኖራቸው አረጋግጥ። ማለትም የመጀመሪያው እና ሁለተኛው፦ ሁለቱ አናቶች እኩል ቁመት ሊኖራቸው ይገባል።

ስትጽፍ፣ ቀጥሎ የምትጽፈው ነገር ከጀመርክበት ነገር እያጠረ የመሄድ አዝማሚያ አለ። ይህ መጻፍ በሚማሩ ብዙ ሰዎች ላይ ይደርሳል። እኔ በጣም ብዙ ተማሪዎችን መጻፍ አስተምሬአለሁ፤ ይህም ደጋግሞ ሲደርስ አስተውያለሁ። ስለዚህ ተጠንቅቀህ እንድትከታተለው አሁኑኑ አስጠነቅቅሃለሁ።

ከአንድ የድሮ ደብዳቤ በተወሰደው በዚህ ምሳሌ ሦስት ፊደላት y ታያለህ፤ ከፊታችን ባለው ምሳሌ ውስጥ ካሉት ፊደላት y የበለጠ ረጅም መሆናቸውንም ታያለህ። ከእነርሱ አንዱ፣ ከላይ በቀኝ በኩል ያለው፣ በእርግጥም ወደ ታች ወርዶ ከሥሩ ያለውን የጽሑፍ መስመር እንደሚቆርጥ ታያለህ። ይህ ምንም ችግር የለውም። ይህም የፊደል y ጥሩ ምሳሌ ነው፤ በተለይ ከላይ ያለው የመጀመሪያው። ቅርጹ ያምራል። ስለዚህ ተመልከተው፤ እንዲህ ዓይነቱ አጻጻፍ እንዴት እንደሚሠራ ታያለህ።

የልምምድ ገጽ 13